மட்டக்களப்பு மாவட்டத்தில் மீண்டும் உதயசூரியன் உதிப்பான் - தமிழர் விடுதலைக் கூட்டணி முதன்மை வேட்பாளர் அருள்மொழி வர்மன் தம்பி முத்து!!

தமிழ் மக்கள் ஒரு மாற்றத்தினை எதிர்பார்த்து காத்திருக்கிறார்கள், மக்களின் தீர்ப்பே இறுதியானது என தமிழர் விடுதலைக் கூட்டணியின் தலைவரும் மட்டக்களப்பு மாவட்ட முதன்மை வேட்பாளருமான அருள்மொழி வர்மன் தம்பிமுத்து மக்கள் சந்திப்பு நிகழ்வில் இவ்வாறு கருத்து தெரிவித்துள்ளார்.

மட்டக்களப்பு மாவட்டத்தில் மீண்டும் உதயசூரியன் உதிப்பான் என்ற நம்பிக்கை மக்களிடத்தில் ஏற்பட்டுள்ளது, நாங்கள் தேர்தல் பிரச்சாரங்களுக்கு செல்லும் இடங்களில் மக்களின் ஆதரவு பெருகி வருவதை காணக் கூடியதாக உள்ளது. இம்முறை மட்டக்களப்பு மாவட்டத்தில் உதயசூரியனும் ஒரு பலம்மிக்க சக்தியாக காணப்படும். நாங்கள் ஆசனங்களை  பற்றி  பேசும் போது ஒவ்வொரு கட்சிகளும்  வாக்கு வங்கி அரசியலை பேசுகின்றன, வாக்கு வங்கி விடயத்தில் எமக்கு நம்பிக்கை இல்லை மக்களின் வாக்கு எவ்வரினதும் சட்டைப் பையில் இல்லை, மக்களின் தீர்ப்பே இறுதியானது.

எத்தனை ஆசனங்களை பெறுவோம், வாக்கு வங்கி என்பது பற்றி எமக்கு நம்பிக்கை இல்லை அவை தூக்கி எறியப்பட வேண்டிய விடையங்கள்.

இன்று தமிழ் மக்கள் ஒரு மாற்றத்தினை எதிர்பார்த்து காத்திருக்கிறார்கள் அது என்ன என்பதுதான் தற்போதுள்ள விடயம் , மாற்றம் என்பது தற்போது ஊழல் செய்தவர்கள் கொலைகாரர்கள் என்பவர்களை மக்கள் அடையாளம் காண வேண்டும் என்பதே தற்போதுள்ள விடயம் ஆகும், இவைகள் தான் ஒரு மாற்றமாக வரும் என நான் எதிர்பார்க்கிறேன்.

கடந்த ஜனாதிபதி தேர்தலிலே சங்கு ஒரு பொது சின்னமாக காணப்பட்டது. அங்கு நான்கு கட்சிகள் இணைந்துள்ளதுடன்  அவர்கள் தான் மாற்று வீடாக நினைக்கின்றார்கள், தொடர்ச்சியான இருப்புக்காக அவர்கள் இதனை தெரிவித்து இருக்கின்றார்கள். 

எமது கட்சி ஒரு மாற்றத்தை எதிர்பார்த்து இருக்கின்றது அதற்கான நம்பிக்கை என்னிடம் உள்ளதென தமிழர் விடுதலைக் கூட்டணி கட்சியின் தலைவரும் மட்டக்களப்பு மாவட்ட முதன்மை வேட்பாளருமாகிய அருண் மொழிவர்மன் தம்பிமுத்து இன்று மட்டக்களப்பில் இடம்பெற்ற போது மக்கள் சந்திப்பு நிகழ்வில் இவ்வாறு கருத்து தெரிவித்தார்.